LAOAG CITY – Mangestablisar ti Philippine Amusement and Gaming Corporation (PAGCOR) ti maysa nga application a mangprotektar kadagiti online gaming players para iti pannakaibigbig ken pannakausar kadagiti lisensiado ken regulated platforms.
Iti maysa nga statement, ibatad ti ahensia a ti pannakaestablisar ti nasao nga application ket gapu iti pammilin ni Philippine Amusement and Gaming Corporation PAGCOR Chairperson ken CEO Alejandro Tengco.
Mainaig iti daytoy, kalikagum ti PAGCOR application nga iliklik dagiti online players manipud kadagiti iligal a platform ken ti pannakaiyamammo kadakuada kadagiti regulated platforms.
Kabayatanna, inpetteng ni Tengco a 50 a porsiento kadagiti online gaming sites ditoy Paglian ket saan a lisensiado wenno maibilang kas iligal.
