LAOAG CITY – Inbatad ti Home Development Mutual Fund wenno PAGIBIG Fund nga umabot iti P22.63 billion ti naiparuk-at na para iti cash loans sipud idi Enero agingga iti Abril ita a tawen.
Nangatngato daytoy iti 38% wenno P16.44 billion nga inparuk-at ti Home Development Mutual Fund iti isu metlaeng a panawen idi 2023.
Basar kadagiti agency officials, adda ti 965,291 a miembro ti nabenepisyaran iti cash loans, nangatngato ngem ti 766,258 a miembro iti napalabas a tawen.
Inbatad ni Secretary Jose Rizalino L. Acuzar, ti mangidadaulo ti Department of Human Settlements and Urban Development (DHSUD) ken ti 11-member Pag-IBIG Fund Board of Trustees a maragsakan gapu ta nagtalinaed ti Pag-IBIG Fund kas reliable partner dagiti mangmangged a Pilipino iti panawen nga agkasapulan unay dagitoy ti pinansyal.
