LAOAG CITY – Manamnama nga agtultuloy a makagun-od ti traction dagiti electric vehicles (EV) iti Pilipinas ken nalablabes ngem iti pakabuklan nga industria ti automotive., ken mapatta-patta a dumakkel ti paglakuan iti 11 a porsiento ita a tawen iti baet ti nangato a gastos iti gasolina.
Daytoy ket basar iti research and analysis firm a Business Monitor International.
Inbatad ti Department of Trade and Industry (DTI) a pagsaritaan ti gobierno no rumbeng nga agtalinaed ti zero tariff para kadagiti electric vehicles kalpasan ti 2028.
Ti nasao nga addang ket paset ti panagkalikagom a mangsuporta iti electric vehicle iti panagdur-as ken panangadaptar iti daytoy.
Namnamaen ti Business Monitor International a ngumato ti paglakoan ti electric vehicle iti 11 a porsiento wenno 32,776 units iti pagilian ita a tawen manipod iti 29,479 units idi 2025.
