LAOAG CITY – Agtultuloy ti imbestigasyon dagiti kameng ti PNP Laoag ti maipagarup a pannakatama ti bala ti saan pay a naamuan a klase ti paltog ti maysa a pagtaengan iti P. Gomez St. Brgy. 2 ditoy siudad.
Nabigbig ti agtagibalay a ni Alvin Guerrero Agbayani, agtawen ti 44, ken residente iti nasao a lugar.
Iti imbestigasyon, nadiskobre ni Agbayani ti abot iti akin daya a ridaw ti salas iti pagtaengan na ken maipagarup a bullet hole iti akin laud a pader a naaramid iti plywood iti nasao a salas.
Basar iti impormasyon, maipagarup a naggapu ti bala iti daya a direksyon ken timmama iti sliding door ken timmama pay iti pader.
Narekobre dagiti otoridad ti buli ti saan pay a naamuan a klase ti paltog.
Maipaima ti buli ti bala para iti ballistic examination.
