LAOAG CITY – Dimmapo ti maysa a pagtaengan gapu ti naggil-ayab a benggang iti Brgy. Parangopong iti siudad ti Batac.
Daytoy ti kinumpirmaran ni Barangay Chairman Luis Battulayan iti nasao a barangay.
Inlawlawag ni Battulayan a pimmanaw ti pamilya nga aggigiyan iti nasao a pagtaengan gapu ta adda ti naiyuswat a panagtimbang dagiti ubbing iti barangay hall.
Inbatad na a manarimaan ti panagluto ti ama iti kanen ti baboy ken kalpasan na ket pinatay na ti nakasungrod a kayo iti dalikan babaen ti panangiruburob na daytoy iti dapo sakbay da a pimmanaw.
Segun kenni Battulayan, possible a gimmila-ayab wenno naregreg ti naibati a pinagsaungrod a kayo manipud iti dalikan rason a nauram ti pagtaengan bayat nga adda iti barangay hall ti maseknan a pamilya.
Inbunannag na a napresko wenno naangin iti lugar ti pagtaengan gapu ta adda iti pagtatalonan.
Kuna na nga adda ti timmulong a nagpadanun iti mais nga asideg iti nauram a pagtaengan ngem naladawen gapu ta dakkel ti apoy.
Innayon ni Battulayan a naisalbar laeng ti maseknan a pamilya ti arwaten dagiti agassawa ken imyan t pamilya iti kabagyan dagitoy.
Naamuan a naaramid ti pagtaengan babaen kadagiti materyales nga alisto a mauram.
