LAOAG CITY – Insegida nga inlockdown ni Barangay Chairman David Pascua ti pagtaengan ti nagpositibo iti COVID-19 a masarakan iti Sitio 3, Brgy. 23 Sta. Cecilia iti ili ti San Nicolas.
Daytoy ket kalpasan a naawat na ti impormasyon manipud iti DRRM a nagpositibo ti maysa kadagiti kabarangayan na.
Binalakadan na dagiti karruba ti maseknan a saan nga umasideg dagitoy iti pagtaengan ti maseknan.
Innayon ni Pascua, a naiyuswat ti contact tracing iti nasao a lugar babaen kadagiti contact tracers ti probinsya.
Maipalagip a nagpositibo iti COVID-19 ni IN-C655, maysa a cargo helper ken addaan ti travel history iti probinsya ti Cagayan.
