LAOAG CITY – Inbatad ni Barangay Chairman Amerilito Nicolas iti Barangay Tangid nga agpapan ita ket saan da pay a nabigbig no siasinno dagiti dua a lallaki a simrek iti maysa a pagtaengan iti nadakamat a lugar.
Ummuna iti daytoy, nakapuot itay parbangon ken nakita na ti menshae ti akin-balay a ni Angie Batacan rason a tinawagan na ken inpakammo ti maseknan ti CCTV footages iti pannakaserrek ti pagtaengan da.
Segun kenni Nicolas, dagus na met nga inpakammo kadagiti barangay officials tapno mabigbig kuma dagiti dua a lallaki ngem saan da a malasin dagitoy.
Inbatad na a mabalin a dagiti suspek ket datin a sumsumrek iti lugar da ken ammo da a negosyante ti agtagikua iti nasao a balay.
Naamoan nga awan ti naala dagiti dua a lalaki gapo ta nakariing ti maysa kadagiti miembro ti pamilya rason a dagus a rimuar dagiti suspek.
Mainaig iti daytoy, kunana nga awan met ti atapen da no siasinno dagiti suspek.
Kabayatanna, agtultuloy met ti imbestigasyon ti barangay tapno mabigbig dagiti lallaki a simrek.
