LAOAG CITY – Inreport ti Department of Health (DOH) nga umaboten iti pakabuklan a 91 ti bilang dagiti firework-related injuries ita nga holiday season.
Naudi a nairekord ti ahensyati agtawen ti 8 nga ubing a napukawan ti index finger ken thumb gapu iti whistle bomb, idinto a ti agtawen ti 16 ket napukawan ti dua a ramay gapu iti 5-Star a paputok.
Segun ken ni DOH Spokesperson Albert Domingo, dagiti ubbing ket nagsagaba ti active injuries, a masansan a mapaspasamak no maiggaman ti paputok kabayatan a nakasindi.
Gapu iti daytoy, manipod Disyembre 21 agingga iti Disyembre 27, nairekord iti 62 a sentinel hospitals iti intero a pagilian ti 34% a datos, nababbaba no ikumpara iti napalabas a tawen no sadinno nga umabot iti 137 ti nairekord a kaso.
Basar pay iti DOH kaadoan kadagiti insidente ket dagiti ubbing nga agtawen ti 10-14 no sadinno a ti kangrunaan a makaigapu iti sinagaba da nga injuries ket gapu iti paputok a 5-star, kwitis, Boga ken Triangulo.
Nagpalagip ni Domingo ano adda dagiti indibidwal nga agsagaba ti injuries manipod iti paputok ket kasapulan a maikabil a dagus dagitoy kadagiti health professionals.
Para iti first aid, masapol a ti apektado a paset ti bagi ket kasapulan a dalusan ti nadalos a danom, ken no ti paset ti bagi ket na-amputate, masapol a barabadan ti nadalos a plastic, tela ken yelo.
