LAOAG CITY – Immannugot ti Afghanistan ken Pakistan a saan pay laeng a maaddaan ti panangatake kabayatan iti panangselebrar ti Eid al-Fitr.
Inbatad ni Pakistani Information Minister Attaullah Tarar a ti ceasefire ket mangrugi ita nga aldaw ti Huebes agingga inton bigat, aldaw ti Biernes.
Ti nasao nga addang ket basar iti kiddaw ti Saudi Arabia, Qatar ken Turkey.
Kunana a kas panangrespetar iti nasao a selebrasion ket sitatallugod dagitoy nga agtungpal.
Nupay kasta, nagballaag isuna a no bilang maaddaan ti cross-border attack, drone attack wenno aniaman a terror attack ket saanda nga agpangadua nga agibales.
Maipalagip nga inakusaran ti Afghanistan ti Pakistani military nga adda iti likudan ti panangpapatay ti sumagmamano nga indibidual iti airstrikes-da iti kabul.
