LAOAG CITY – Mamati ni Palace Press Officer Undersecretary Atty. Claire Castro a masapol a maamendaran ti Subscriber Identity Module (SIM) Card Registration Act.
Kuna na a nasaysayaat no ti pannakairehistro dagiti SIM wenno Subscriber Identity Module cards ket agbalin a ”personal.”
Inaramid daytoy ni Castro kalpasan ti nagbalin a rakurak ni Senador Risa Hontiveros a maalarma iti panagruwar manen ti scamming operations iti babaen ti text messages.
Inbatad na a kas maysa nga abogado ket kasapulan a mapan irehistro ti Subscriber Identity Module (SIM) Card a personal kas iti papan panagala ti driver’s license, police clearance, National Bureau of Investigation clearance ken dadduma pay a napapateg a dokumento.
Maipalagip a tawen 2022 idi pinirmaan ni Presidente Ferdinand ”Bongbong” Marcos Jr. ti lungalong a pannakairehistro ti Subscriber Identity Module.
Gagem ti SIM Registration Act wenno Republic Act 11934 a naan-anayen a maisardeng dagiti mapaspasamak a krimen usar ti platform a pakairamanan ditoyen ti text ken online scams iti babaen ti regulasyon ti panaglako ken panagusar ti Subscriber Identity Module iti babaen ti mandato ti rehistrasyon iti end-users.
