LAOAG CITY – Sinungbatan ti Malacañang ni Vice President Sara Duterte a kitaen dagiti bukodna a pagbiddotan iti argumentona kalpsan nga inakusaranna ti Marcos administration a desperado a mangipababa kenkuana.
Segun ken ni Palace Press Officer Undersecretary Claire Castro, kunana a kasapulan a lawlawagan ni Duterte ti bukodna nga akusasion kontra kenkuana ken dagiti ebidensia imbes nga agbiddot ti panagdependarna ti bagbagina.
Daytoy ket kalpasan ti naiget a naglikudan ni Vice President Sara Duterte ti alegasion a kunana a saanda nga am-ammo ni Gracioso, kageddan ti panangipasiguradoda a nakasaganan dagiti abogado a mangipila ti kaso kontra kenkuana no maala da ti opisial nga affidavit manipud iti National Bureau of investigation (NBI).
Inawagan pay ti bise presidente ti isyu kas maysa a ‘media stunt’ ken desperado nga addang ti administrasion tapno madadael ti imahena ken maidasar kas ebidensia ti impeachment kontra kenkuana.
