LAOAG CITY – Kinarit ti Malacañang ti kampo ni Vice President Sara Duterte a mangipakitada ti rekord nga awan koneksionda iti China.
Daytoy ket namunganay iti alegasion ni dati a senador Antonio rillanes IV a ti CALLE88 Food Corp a kompania ket adda ti maipagarup pakainaiganna ken ni Mans Carpio a nakaawat ti P319 milyon manipud iti gobierno ti China.
Pakiramanan payen ti Tapang at Malasakit Alliance for Philippines Inc a foundation no sadinno nga incorporator ni Duterte ken nakaawat ti P150M a donasion manipud iti Chinese Embassy ti Pilipinas.
Naglikudan met dagitoy ti kampo ni Duterte ti babaen ti pannakangiwatda a ni Atty. Paolo Panelo.
Nupay kasta, inbatad met ni Palace Press Office Claire Castro nga ad-adda a napateg no mangidasar ti kampo ni Duterte ti ebidensia a mangpaneknek nga awan pakainaiganda kadagiti alegasion ni Trillanes.
