LAOAG CITY – Nagtitipon dagiti Palestinians nga asideg iti United Nations Relief and Works Agency aid center iti Jabalia tapno makaawat ti tulong kalpasan a linappedan ti Israel ti panagserrek ti aid trucks iti Gaza.
Sinada ti Israel ti amin a panagserrek ti humanitarian aid iti Gaza gapu ta kidkiddawenna iti Hamas nga umannugot iti plano ti Estados Unidos mainaig iti pannakaiyalud-od ti ceasefire wenno tigil-putukan.
Immunan nga inrakurak iti opisina ni Israeli Prime Minister Benjamin Netanyahu a pinatibkerda ti lungalong ni Steve Witkoff, envoy ni United States President Donald Trump para iti temporario a tigil-putukan iti Gaza ita a Ramadan ken Passover, sumagmamano nga oras kalpasan a nag-expire ti umuna a yugto ti umuna a napagtulagan a ceasefire.
Naammoan a no agballigi iti katulagan, ti tigil-putukan ket agsardeng agingga iti katapusan ti panawen ti Ramadan fasting period inton Marso 31 ken ti Jewish Passover holiday inton Abril 20.
