LAOAG CITY – Napawilan ni Palestinian President Mahmoud Abbas nga agatendar iti UN General Assembly session idiay New York intono sumaruno a bulan kalpasan ti pannak-revoke ti lisensya na ken dagiti 80 pay Palestinian officials.
Binabalaw isuda ni US Secretary of State Marco Rubio a nangdadael iti peace efforts ken ti panagkalikagom a maipatungpal ti unilateral recognition iti conjectural Palestinian state.
Welcome met para iti Israel ti nasao a desisyon ngem naisangsangayan daytoy gapo ta ti Amerika ti mangurnos iti panagbyahe dagiti opisyales a mangbisita iti UN headquarters.
Ti nadakamat a pannakapawil dagiti maseknan nga agatendar ket gapo iti plano ti France a mangbigbig iti Palestine kabayatan ti sesyon nga isu ti naiget a kinontra ti administrasyon ni US President Donald Trump.
Ummunan nga inbatad ni Palestinian ambassador to the United Nations Riyad Mansour a kas mangidaulo iti delegasyon da, ni Abbas ket agatendar iti taripnong dagiti heads of state and government idiay New York.
Kalpasan ti rakurak ni Mansour ket inpakammo met ti opisyal ti State Department a ni Abbas ken dagiti 80 pay a Palestinians ket maapektara iti desisyon nga i-revoke ti visa da kas miembro iti Palestine Liberation Organization (PLO) ken Palestinian Authority (PA).
Kuna pay ni Rubio a dagiti pannakabagi ti Palestine iti UN mission idiay New York ket mabalin nga agatendar iti taripnong babaen iti panangsurot iti UN Headquarters Agreement – ti dokumento a mang-regulate kadagiti isyu seknan iti operasyon ti United Nations iti Estasos Unidos. Kabayatanna, saan met pay a nalawag no ti addang ti Amerika ket nasurot na ti nasao nga UN Headquarters Agreement.
