LAOAG CITY – Inlawlawag ni Internist Dr. Oyie Balburias dagiti possible a makaigapu no apay a makapaspasar ti palpitation ti maysa a tao, banag a saan a rumbeng nga iyaleng-aleng.
Segun ken ni Dr. Balburias, saan a rumbeng a marikna ti maysa a tao ti panagpitik ti puso na isut gapuna a saan a normal no marikna na gubuay ti maaw-awagan a palpitation.
Kuna na a maysa kadagiti possible a rason ti palpitation ti Hyperthyroidism, no sadinno a nangato ti lebel ti thyroid hormone.
Inrakurak na pay a possible a ti palpitation ket “compensatory mechanism” no adda ti anemia wenno nababa ti nalabbaga ti dara ti maysa a tao.
Innayon na a mabalin pay a gapu iti dehydration ti sintomas ti palpitation.
NEWS ANALYSIS
Bimmaba ti bilang dagiti awanan panggedan a Pilipino iti 1.62 milion idi Hunio ti agdama a tawen maibasar iti kaudian a datos nga inruar ti Philippine Statistics Authority (PSA).
Nababbaba daytoy mga ka bombo ngem ti nairekord a 2.11 a milion nga awanan panggedan na a Pilipino idi Mayo 2024 ken 2.23 milion idi Hunio 2023.
Ti bilang dagiti agtartrabaho a Pilipino ket 50.28 milion idi Hunio 2024. Nangatngato daytoy ngem ti bilang dagiti agtartrabaho idi Mayo 2024 a 48.87 milion ken 48.84 milion idi Hunio 2023.
Mga ka bombo, no agtultuloy a ngumato ti employment rate ti pagilyan tayo, ket adda posibilidad a rumang-ay ti panagbiag.
Kadagitoy a gundaway, no awanen ti panggedan ket narigat a maisakad ti panagbiag, isu a rumbeng laeng a mangidiaya pay ti adaddu a pagtrabahoan ti gobierno tapno ti kasta ket matulongan dagiti pamilya a agkalkalikagom a makalung-aw ti rigat.
