LAOAG CITY – Nagballigi dagiti otoridad iti inyuswat da a search warrant operation idiay Barangay Sangladan, Paoay, Ilocos Norte.
Natiliw ni Eugene Amor Badjang babaen ti bileg ti maysa a warrant of arrest nga inparuk-at ni Hon Judge Francisco Quilala iti Branch 14 ditoy ciudad ti Laoag.
Naala iti ikot ni Badja ti maysa a kalibre 38 a paltog nga adda bala na, maysa nga hand grenade, 4 a sachet a naglaon iti maipagarop a shabu ken sumagmamano a drug paraphernalia kas iti tooter, lighter, foil ken dadduma pay.
Nupay kasta, naiget a naglikudan ni Badjang dagiti ebidensya a nakumpiskar dagiti otoridad kontra kenkuana.
Inpasingked na a saanna a kukua dagiti naala nga ebidensya kontra kenkuana ken makaammon ti abogado na para ti sangsangwen na a kaso.
