LAOAG CITY – Boluntaryo nga insuko ti maysa a barangay kagawad iti Brgy. Ga-ang, Currimao, Ilocos Norte ti maysa a paltog ken maysa nga eksplosibo.
Insuko ti agdama a Brgy. Kagawad Gonzales ken agpaidasig iti kina-kapitan iti Barangay ken SK Election ti maysa a caliber 38 a paltog ken maysa a riffle granade.
Nagturong ni Gonzales iti 104 maritime police station iti nasao a barangay ken indasar na ti paltog.
Kinuyog met ti maritime police station ni Gonzales a nagturong iti kuerpo ti pulisya iti nasao nga ili tapno isuko ti paltog.
Nagtalinaed met iti kistudiyar ti PNP ti paltog idinto a ti eksplosibo ket naipama iti Ilocos Norte Provincial Crime Laboratory Office para ti balistic examination.
