LAOAG CITY – Balligi a naarestar dagiti pannakabagi ti linteg ti maysa a lalaki iti naiyuswat a search warrant operation iti Brgy. Darasdas iti ili ti Solsona.
Basar iti impormasyon a nakalap ti Bombo Radyo Laoag manipod iti PDEU, ti search warrant ket inparuk-at ni Judge Nida Alejandro iti RTC Branch 12 ditoy siudad ti Laoag gapu iti panaglabsing ti RA 9165 wenno Comperehensive Dangerous Drugs Act of 2002.
Nabigbig ti subject a ni Sandy Ramos, dati a barangay kagawad iti Brgy. Darasdas, maysa nga High Value Individual ken karaman iti Top 10 Regional Priority List ti PRO1.
Nasukimat manipod iti pagtaengan ni Ramos ti maysa a transparent plastic sachet a naglaon iti innem a sachet a ti maipagarup a shabu, maysa nga ice bag a naglaon ti 21 a sachet ti maipagarup a shabu pakairamanan ti caliber 22 a paltog.
Umabot iti dua a gramo ti kadagsen dagiti nakumpiskar nga iligal a droga ken agbalor iti P13,600.
Naamoan a ti suspek ket dati a drug surrenderee idi tawen 2016.
Iti agdama, nagtalinaed ti suspek iti kustodyar ti PNP ken manamnama a mapilaan ti kaso a panaglabsing iti RA 9165 ken RA10591 wenno illgel possession of firearms.
