Balligi ti naiyuswat a search warrant operation iti maysa a pagtaengan iti Brgy. 1 iti ili ti San Nicolas.
Segun ken ni PLt. Godofredo Ribuyaco, deputy chief of police ti PNP San Nicolas maysa a riffle grenade, kalibre 38 a paltog ken 12 a bala ti nakumpiskar iti pagtaengan ti suspek a ni Stephen Estregan y Flores.
Inbatad ni Ribuyaco a naisyuwat ti operasyon babaen ti bileg ti search warrant iti RTC Branch-14 nu sadino a nakalanad a mabirok ti kalibre 38, 9 mm a paltog ken balbala.
Innayun na nga adda ti agdama nga iggem ni Estregan a kalibre 45 ngem nakarehistro daytoy.
Nu pay kasta, maipila ti kaso a panagsalungasing ti RA 9516 wenno illegal a panagikot ti eksplosibo kontra kenni Estregan.
Kabayatanna, naamoan nga addan ti immuna a pannakaiyuswat ti search warrant iti pagtaengan ti suspek iti ili ti Vintar iti kallabes.
