LAOAG CITY – Nagun-od ti pambato ti ciudad ti Laoag a ni Rey Miguel Joseph K. Ganaden ti titulo kas kaunaan a Mr. Region I Athletic Association (RIAA) 2023 a naiyuswat iti Virgen Milagrosa University Foundation Event Center idiay San Carlos City, Pangasinan.
Ni Ganaden ket Grade 11 learner iti Mariano Marcos State University Laboratory High School ditoy ciudad ti Laoag.
Malaksid iti Mr. Region I Athletic Association ket nagun-od pay ni Ganaden ti award kas best in jersey ken dadduma pay a corporate awards a naipaat kabayatan ti sports pageant.
Ti Mr. and Ms. R1AA 2023, a paset ti magical event, ket nakipartisiparan ti 14 nga schools division iti intero a Region 1.
Nakapareha ni Ganaden ni Veronica Niña Gallardo a nangirepresentar ti Laoag City iti Mr. and Ms. Region I Athletic Association 2023 competition.
