LAOAG CITY – Nagballigi kas 2024 Mister Global ti pambato ti pagilian a ni Dom Corilla.
Nangabak ni Corilla manipud kadagiti 31 a dadduma pay a kandidato iti pageant a naiyuswat idiay Thailand.
Adu kadagiti audience ti napabilib kenkuana kabayatan ti panagbitlana idi karaman daytoy iti Top 11.
Naammoan nga isuna ti kaunaan a Pinoy a nakagun-od ti nasao a titulo.
Iti national costume-na ket nakasuot daytoy ti Apolaki a maysa a Filipino God of War ken init nga aramid ti fashion designer a ni Edwin Uy.
Isuna pay ti maikadua a lalaki a nakipaset iti male pageant a nangibagi ti pagilian no sadinno nga iti immuna a Brandon Espiritu a nagbalin a second runner up iti Mister Supranational pageant.
