LAOAG CITY – Naipayaan ti sertipikasyon ken resolution of commendation ti pamilya ni Mr. Ernesto Tayamaen iti Brgy. 1 San Lorenzo ditoy cuidad ti Laoag gapu panangabakda iti model OFW Family of Year Award Sea Bases Category 2025.
Segun kenni Ms. Mary Jane Leaño, City Information Officer a manipud iti lima nga entries iti intero a Region 1 no sadinno inyawid ti Pamilya Tayamen ti dayaw ken dayag ken rimmuar a kasayaatan kadagiti amin nga agpapada a maikari a pamilia iti nadakamat a kategoria.
Mainiag iti daytoy, kunana nga irepresentar da ti Region 1 iti National level para iti isu met laeng a kategoria.
Ni Mr. ken ni Mrs. Tayamen ket addan ti tallo nga annak a lallaki nga amin ket naballigi a seafarers.
Immuna a nangabakda iti Model Family – OFW Category, City Level award idi 2023 ken iti Model Family OFW Category, Provincial Level idi 2024.
Kabayatanna, ti nasao comepetion ket initiatibo it Overseas Workers Welfare Administration (OWWA) ken Department of Migrant Workers.
