(Update)LAOAG CITY – Awan ti ammo a rason ti pamilya ni Joseph Taculog iti Brgy. Torre iti ili a Currimao no apay a pinapapatay da daytoy babaen iti panangpaltopaltog da bayat ti kaada na idiay Bgy. Pagsanajan Sur iti ili a Badoc idi rabii bayat a napan a nakisugal.
Segun ken Liobella Fagaragan ikit ti biktima, nasingpet nmet ti paggaammo na iti kaanakan na ken gagangay nga adda da dagiti barkada na.
Kuna na nga idi rabii ket adda ti nangdagas kenkuana iti balaay da ngem saan na nga ammo no siasino daytoy.
Kuna na pay nga awan met dagiti naibagbaga ti kaanakan na a problema na koma a posible a rason iti nangpapatayan da kenkuana.
Innayon na nga arig na maymaysa nga agbibiag daytoy malaksid kadakuada a kabbagian na gapu ta ada ti pamilya na idiay Isla ti Hawaii.
Nagpanawagan ni Fagaragan kadagiti maseknan a tumulong da a mangsolbar iti pannakataya ti kaanakan na.
Maipalagip a nakita lengen a natay ni Taculog iti paset ti provincial road ti Bgy. Pagsanahan Sur, iti ili a badoc a nga adda ti tama ti paltog iti ulo ken iti tengnged na.
