LAOAG CITY – Insigida a nagturong dagiti nagannak ni Staff Sgt. Reymund Rarogal Transfiguracion, idiay Washington D.C., Estados Unidos kalpasan a naamuan da a pimmusay ti anak da bayat a maag-agasan iti maysa a civilian Hospital idiay Germany.
Daytoy ti kinumpirmaran ni Miss. Mely Transfiguracion, ikit ti pimmusay a suldado nga adda idiay Big Island.
Segun ken ni Mely, dagdagus a nagbiahe ti kabsat na ket ti asawa na idi naamuan na a pimmusay ti anak da bayat ti operasyon da idiay Afghanistan bayat ti combat deployment a nagturong idiay Washington DC tapno kitaen da ti bangkay ti anak da.
Kuna na na a malaksid iti kaanakan na a pimmusay kalpasan a bimtak ti maysa improvised explosive device bayat ti panagpatrolya da iti probinsiya ti Helmand, ket adda pay dua a sabsabali pa a kakadua na rason nga agladladingit da iti agdama.
Ni Transfiguracion ket agtawen ti 36, tubo iti Bgy. 2 iti ili a Sarrat ngem agnanaed da idiay Big Island, Hawaii ken simrek ti serbisyo kas kameng ti 3rd Battalion, 1st Special Forces Group (Airborne) ti Joint Base Lewis-McChord JBLM idiay Estados Unidos.
Namuan a maitabon ti bangkay ni Figuracion idiay Big Island, Hawaii apaman a maisangpet.
