LAOAG CITY – Inlawlawag ni Police Major Ryan Retotar, hepe ti PNP Dingras, a posible a saan a nakita ti driver ti pick-up a ni Silver Al Aquino y Juan, agtawen ti 33, naasawaan, mangisursuro ken residente ti Brgy. Mariquet iti ili ti Solsona ti biktima a ni Aladin Ballesteros y Paltong, agtawen ti 55, awanan asawa, mannalon ken residente iti Brgy. Suyo iti ili ti Dingras.
Daytoy ket mainaig iti pannakadungpar na idi rabii ti biktima a rason ti nakatayan na iti naitaray iti Dingras District Hospital.
Inlawlawag ni Retotar a nakainom ti biktima a limmasat iti kalsada ken nakauyos ken epekto payen iti kinasipnget ti lugar.
Innayon na nga awan pay tio desisyon ti pamilya ti biktima ti naipila a kaso kontra kenni Aquino ken no malpas ti 36 nga oras ket mawaya-wayaan ti maseknan.
