LAOAG CITY – Madandanagan ti maysa a pamilya gapu ta saan pay a nagawid ti maysa a baro kalpasan a nagtalaw iti Brgy. 15, iti ili a Bacarra
Nabigbig ti baro a ni Jay-ar Agcambot, agtawen ti 29 ken residente ti nasao a lugar.
Segun ti ina ti baro a ni Glory Agcambot, nagtalaw ti anak na iti malem idi Oktubre 27 ken agingga ita ket saanen a nagawid.
Naamuan a ti arwat ti baro ket blue a t-shirt, nangisiit a short pan ken naka-tsinelas.
Inpakaammon ti PNP Provincial Office kadagiti nagduduma a kuerpo ti pulisya ditoy parobinsya para ti pannakabirok ti baro.
