LAOAG CITY – Awan ti makita a rason ti pamilya Acosta iti ili ti Pasuquin a nangpapatayan da ken ni Harry Acosta agtawen iti 59, awanan asawa ken residente iti Sitio Nagabungan, Bgy. Davila iti nadakamat nga ili.
Kuna ni Bryan Acosta, kabsat ni Harry, awan met ti ammo da a kinarriri ti kabasat da a mabalin koma a pangaramidan da ti nakaam-ames a pannakatay na.
Patien ni Bryan nga apal a dakes ti motibo ti nakin-aramid iti panakatay ti kabsat na.
Kuna na a makunsensiya koma ti nangaramid ket sumukon kadagiti otoridad.
Ni Bryan Acosta, kabsat ti napapatay a ni Harry Acosta iti Sitio Nagabungan, Bgy. Davila iti ili a Pasuquin.
Maipalagip a nakita laengen a natay ni Harry a nakagulat dagiti ima babaen iti packing tape bayat nga adda iti uneg ti balay na iti nasao a lugar.
