LAOAG CITY – Agtultuloy ti naun-uneg nga imbestigasyon dagiti kameng ti PNP iti ili a Pasuquin kalpasan ti pannakapalto-paltog da Rolando Salvador kenni Mary Anne Valenzuela iti Brgy. Ngabangab iti nasao nga ili.
Segun ti PNP, naideklara a dead on arrival ni Salvador gapu ta adu ti tama na iti bala, idinto a ni Valenzuela ket naiyakaren iti Mariano Marcos Memorial Hospital and Medical Center iti siudad ti Batac para ti naan-anay a pannakataming na.
Immunan a nakarekobre dagiti otoridad ti lima a kapsula ti bala iti kalibre 45 a paltog iti nakapasamakan ti pammaltog.
Awan pay ti madeterminar dagiti otoridad a motibo ti pannakapalto-paltog ni Salvador a nakairamanan ni Valenzuela.
