LAOAG CITY – Kalikagum ni Sangguniang Panlungsod Member Jason Perera ditoy siudad ti Laoag a maipakaammo iti City Engineering Office a ti pammilin ti dati a Presidente Rodrigo Duterte maipanggep kadagiti residente a saan nga umanamong kadagiti maipasdek a tower ket saanen nga epektibo kalpasan ti tallo a tawen.
Namunganay daytoy kalpasan nga adda dagiti sumagmamano a residente iti Brgy. Mangato ditoy siudad ti saan nga umannugot ti pannakaipatakder kadagiti telecommunications tower iti lugarda.
Gapu iti daytoy, kuna ni Konsehal Perera a masapol a nasken a saan a kumontra dagiti residente gapu iti nasao a pagannurutan.
Kunana a no adda ti arungaing dagiti maseknan a residente ket awanen ti maaramidanda gapu iti masursurot a pagalagadan.
