LAOAG CITY – Nadadael ti sango a paset ti maysa a pampasahero a bus nga addaan ti rota a Laoag-Pagudpud kalpasan a naidungpar iti poon ti kayo iti ili ti Bangui.
Basar iti Philippine National Police iti ili ti Bangui, bayat nga agpababa nga agpaamyanan ti bus asideg iti viewdeck di nadakamat nga ili ket napukawan ti preno isut gapuna nga inkillo ti driver a nangitunda iti pannakaidungpar na iti poon ti kayo.
Naamoan a ti nasao a bus ket addaan ti sumuruk-kumurang a 20 a pasahero, ngem awan pulos ti nadangran kadakuada.
