LAOAG CITY – Kinumpirmaran ni Dr. Loida Valenzuela, ti Provincial Veterinarian nga adda ti manarimaan da a pampasahero a jeepney nga adaa ti ruta a Sta. Maria-Piddig-Laoag a nagkarga ti lima a baboy.
Segun kenni Valenzuela, saan a madlaw nga adda ti karga na a baboy ti jeep ken mabalin a nagna iti ili ti Piddig.
Inbatad na a ti maysa a pahinante ti jeepney ket residente iti Barangay Bubuos iti ili ti Solsona rason a mabalin a ditoy met ti naggapoan dagiti nailugan a baboy.
Inlawlawag na nga apaman a naamoan na daytoy ket inbilin na a masapol nga agpaasistir da iti kapulisan tapno masiputan manipud iti nakatiliwan ti jeep agingga iti boaundary ti sumaruno nga ili ngem napaspas ti taray ti lugan rason nga agpapan maisursurat ti damag ket saan pay a nabirukan.
Inpetteng na nga uray maibaga nga aggapo iti ili ti Piddig dagiti baboy ket saan latta a mabalin a maipan kadagiti lugan a maibilang a green zone.
Daytoy ket gapo ta amin a baboy iti ili ti Solsona ket rumbeng a maipan laeng kadagiti ili ti Piddig, Dingras, Carasi ken Nueva Era a maibilang a “pink zone” ngem agdepende latta kadagiti munisipyo no ipalubos da nga agpastrek wenno saan.
Mainaig iti daytoy, inbatad na a masapol a madeterminar no ti jeep ket adda ti karga na a baboy agingga iti lugar a pagturungan na.
Kunana a mabalin a dagiti baboy ket mapan da ipaparti iti ili ti Bangui.
Kabayatanna, kuna ti provincial veterinarian nga addan ti pammilin na no anya dagiti rumbeng a maipresentar kadagiti maibyahe ti baboy a maparti kas iti sertipikasyon ti barangay a ti baboy ket aggapo iti residensya ti indibidual ken am-ammo da daytoy.
Nagpalagip met daytoy iti publiko a saan a gandaten ti agilibas ti baboy.
