LAOAG CITY – Inlawlawag ni Sang. Panlungsod Member Edison Boanoan, ti chairman ti Committee on Transportion ditoy ciudad ti Laoag ti nagbaliwan ti No Left Turn Policy a manamnama a maipatungpal ditoy ciudad.
Segun kenni Bonoan, dagiti pampasahero a jeep nga aggapo iti Airport road ket mapalubusan nga ag-lef turn iti Gilbert Bridge.
Daytoy ket gapo ta basar iti LTFRB ket saan a mabalin a mabaliwan ti ruta dagiti pampasahero a jeep gapo ta agtennag nga Out of Line dagitoy.
Gapo iti daytoy, nagsarita ti konseho ditoy ciudad ken ti PNP-Traffic Divison ken napagtulagan a saan a karaman dagiti pampasahero a jeep iti No Left Turn Policy.
Nupay kasta, kuna ni Bonoan a masapol a no agidisaag dagiti driver ti jeep ti pasaheros ket saan nga iti mismo a junction no diket adda bassit distansya na.
Nagpanawagan daytoy iti publiko nga aganos gapo ta experimental traffic scheme pay laeng daytoy.
