LAOAG CITY – Simmalpa iti railings ti rangtay nga adda iti bisinidad ti Brgy. Suyo iti ili ti Dingras ti maysa a pampasahero a jeep nga addaan ti ruta a Laoag-Banna.
Inbatad ni PCapt. Joseph Calderon, ti hepe ti PNP-Dingras a nagsarili ti pampasahero a jeep kalpasaan a naaddaan ti mechanical failure partikular iti manibela.
Kuna na a nag-stick wenno nagsaet ti manibela rason a saan a naipuligos ken nakontral ti driver bayat nga agpadpadaya a direksyon agingga a simmalpa iti railings ti rangtay.
Gapu iti daytoy, nagsagaba ti driver ti sugat iti bigbig idinto a dagiti innem a pasahero na a pakaibilingan dagiti dua nga annakna ket saan a naan-ano.
Kabayatanna, naamoan nga awan iti impluwensya ti nasanger ti driver.
