LAOAG CITY- Inlawlawag ni Barangay Chairman Arnold Alibuyog iti Barangay Tabug iti ciudad ti Batac a saan a naipakammo kenkuana nga adda ti Authorized Persons Outside Residence (APOR) a simrek iti barangay da.
Segun kenni Alibuyog, nakigtot laengen idi naipakammo kenkuana babaen ti Bombo Radyo nga adda ti nakacheck-in iti hotel iti barangay da nga APOR.
Kunana nga uray naitawag laeng kuma kenkuana tapno maipakammo a dagiti APOR nga agtrabaho iti ospital iti nasao a ciudad ket agcheck-in iti hotel iti barangay da.
Inbatad na nga iti agdama ket dukduktalen da no kasano a nakastrek iti barangay da dagiti maseknan nga APOR.
Inbaga ni Alibuyog nga idi Huwebes ti panagcheck-in dagiti APOR ken ti Biyernes ket rimwar da met laeng iti nasao nga hotel.
Basar iti impormasyon a nakalap da ket adda ti ininstular dagiti APOR ditoy probinsya.
Kabayatanna, kunana a gapo iti daytoy ket paigetan da ti panagmonitor da kadagiti agsangpet iti barangay da tapno saanen a maulit ti pasamak a saan a naipakpakammo kadakuada nga opisyal.
