LAOAG CITY – Saan a mabalin a puersaen ti asinoman a senator-judge nga ag-inhibit wenno saan a pannakipaset iti impeachment trial.
Daytoy ti inpetteng ni Senate President Chiz Escudero iti baet ti panawagan dagiti sumagmamano a grupo nga ag-inhibit da Senador judges Imee Marcos ken Robinhood Padilla a malasin nga asideg isuda ken ni Vice President Sara Duterte idinto ti Bise Presidente ket kiniddawna ti panag-inhibit met da Senador Risa Hontiveros ken Senate Minority Leader Koko Pimentel.
Inbatad ni Escudero, saan a mabalin a piliten dagiti Senador a saanen a makipaset iti panangtingiting gapu ta nasken ket kusa wenno boluntario daytoy nga aramiden ti senator-judge a mairekreklamo iti panagbalin a bias.
Inlawlawagna a saan pay daytoy a mabalin a pagbutosan ti impeachment court.
Kunana a ti nasken laeng nga agkiddaw iti panag-recuse wenno inhibit ti maysa a senator-judge ket manipud iti panel ti defense wenno prosecution ken adda iti senator-judge daytoyen no aramidenna wenno saan.
