LAOAG CITY – Inpaiman ni Presidente Ferdinand Marcos Jr. iti Independent Commission for Infrastructure (ICI) ti desision no mai-livestream wenno saan iti panagdengngeg daytoy.
Segun iti Presidente, awan ti agbalin nga epekto iti kredibilidad ti Independent Commission for Infrastructure ti livestreaming dagiti imbestigasionda ngem responsibilidad ti komision a mangikeddeng ti nalawag a pagannurotan sakbay daytoy nga ipatungpal.
Inbatadna a praktikal ti livestreaming para iti transparency, ngem masapul pay laeng a lippasen ti Independent Commission for Infrastructure ti panangbukel kadagiti pagannurotan tapno masigurado a naurnos ken patas ti proseso.
Inpetteng ti Presidente a saanna a kayat ti makibiang iti operasion ti Independent Commission for Infrastructure ken nasaysayaat no iyuray ti desisionda gapu ta isuda mismo ti makaammo no makatulong wenno makalapped daytoy iti imbestigasion.
