LAOAG CITY – Nagballaag ti National Bureau of Investigation (NBI) iti publiko nga agbalin a naannad iti panagusar ti social media ita nga holiday season nangruna kadagiti agbakasion.
Pakdaar ti National Bureau of Investigation, imonmonitor dagiti kriminal ti social media tapno kitaen ti posible a target-da.
Nabalakadan ti publiko a liklikan ti real-time travel updates ken panag-post nga awan ti tao iti pagtaengan.
Inrekomendar ti National Bureau of Investigation ti panag-post ti travel photos ket napinpintas kalpasan a makaawid lattan iti pagtaengan, pananglimitar ti post visibility ken panag-review ti privacy settings.
Nagballaag pay ti ahensia kontra iti pannakikoordinar kadagiti saan nga am-ammo nga accounts ken ginutigotna ti publiko nga insigida nga i-report dagiti pasamak iti kaasitgan nga opisina ti National Bureau of Investigation.
