LAOAG CITY – Inlay-ayan ni Mrs. Corazon Calina Municipal Administrator ti ili ti Bangui ti panagamak dagiti opisyales ti nagkatlo a Barangay ket dagiti residente na
Daytoy ket iti mabalin a pannakadadael dagiti daldalanan a kalsada dagiti dadakkel a truck nga agbunbunag kadagiti darat para iti proyekto ti maysa a gagannaet a kompanya iti ili ti Burgos ken iti ili da.
Dagiti nasao a barangay ket ti Bgy. Payac, Bgy. Dadaor, ken Bgy. Banban.
Segun ken ni Calina, itay napalabas nga aldaw ti Domingo ket kinasarita da dagiti opsiyales dagiti nasao a barangay a nangilawlawagan da ti rason no apay nga adda dagiti investors a chinese national iti barangay da ken no apay a maaramat dagiti kalsada.
Inpanamnama ni Calina nga aniaman dagiti madadael a paset ti kalsada ket matarimaan.
Kuna na a napintas ketdi ta nagkari dagiti investors a maysa kadagiti tpagalaan da kadagiti trabahador ket iti ili da.
Innayon na nga iti Bgy. Payac ket adda ti maipasdek a 53 a turbina para iti maipasdek a solar panel iti plano a maipatakder a solar power plant nga immun-unan a naplano a maipan idiay Apayao.
