LAOAG CITY – Ipabus-oy ni Senate President Francis “Chiz” Escudero ken ni Senador Grace Poe no pagatendaren na wenno saan ni Vice President Sara Duterte iti deliberasyon ti Senado iti budget ti Office of the Vice President iti plenaryo.
Iti statement, inbatad ni Escudero a saanna a kayat nga unnaan ti desisyon ti sumagmamano a senador no matratar iti plenaryo national budget iti sumarsaruno nga aldaw.
Maipalagip nga idi laeng Setyembre ket inrakurak ni Duterte a saan nga agatendar iti deliberasyon ti plenaryo iti budget ti Office of the Vice President kalpasan nga inakusaran ti sumagmamano nga agpanpanday linteg a binusbos na ti confidential funds.
Kunana pay a saanna a ninamnama ti pannakaaprubar ti nailungalong a P2 bilyon a budget ti Office of the Vice President para iti 2025, ngem kabaelan latta ti opisina na ti agtrabaho aniaman ti ipaay a pondo ti kongreso.
Iti laeng kallabes, naduktalan ti kamara de representantes a winaldas ni Duterte ti agbalor P16 milyon tapno agrenta ti safe houses iti nagduduma a paset ti pagilian karaman iti sertipiksyon manipod iti militar a nagbayad iti sumagmamano nga informants.
Inaprubaran ti kababaan a pagpandayan linteg iti kongreso ti Mababang P733 milyon budget ti Office of the Vice President iti 2025 iti maikatlo ken naudi a pannakabasa na.
