LAOAG CITY – Manamnama a maiyuswat ti panagbakuna kadagiti tallo a health facilities ditoy probinsya.
Segun kenni Dr. Norman Rabago, COVID-19 consultant, karaman dagiti health facilities ket iti Laoag City General Hospital, Governor Roque Ablan Sr. Memorial Hospital ken Mariano Marcos Memorial Hospital and Medical Center iti siudad ti Batac.
Kuna na nga umuna a mabakunaan dagiti health care workers a mangas-asikaso kadagiti pasyente iti COVID-19.
Daytoy ket gapu ta manamnama a sumangpet dagiti bakuna ti Sinovac vaccine ditoy probinsya ita nga aldaw.
Umabot iti dua a ribo a bakuna ti maipan iti MMMH & MC, agarup 700 iti GRASMH idinto nga agarup 400 dagiti maipan iti LCGH.
