LAOAG CITY – Nakaawat ti nagduduma a reaksion iti panagbalin a maika-71 ti ranking ni Filipino boxing champion Manny Pacquiao ti ESPN top 100 professional athletes.
Inbatad ni dati a Philippine Sports Commission (PSC) Chairman Noli Eala a maysa a nakakatkatawa a saan a karaman ti nagan ni Pacquiao iti Top 50.
Iti listaan ti ESPN ket adda pay ti nangatngato a ranking da Kevin Garnett nga adda iti maika-23, Dwayne Wade nga adda iti maika-35, Jason Kidd nga adda iti maika-69.
Naammoan a ni Pacquiao ket kakaisuna nga eight-division world champion iti pakasaritaan ti boxing ket maysa kadagiti tallo a boksingero iti listaan a pakairamanan da Floyd Mayweather nga adda iti maika-25 ken Bernard Hopkins nga adda iti maika-78.
Kabayatanna, umuna iti listaan iti ESPN Top 50 athletes sipod idi 2000 ket ni Michael Phelps a sinaruno da Serena Williams, Lionel Messi iti maikatlo a puesto ken LeBron James iti maikapat a puesto.
