LAOAG CITY – Inadmitir ni Mrs. Marie Angela Gopalan, ti Regional Director iti Department of Social Welfare and Development iti rehion uno nga adda dagiti mairekrekord a panagbisin ditoy rehion uno kangrunaanna kadagiti ubbing.
Inbatadna a babaen kadagiti isaysayangkatda a Supplemental Feeding Program ken Sustainable Livelihood Program ket maipababada ti datos ti bilang dagiti mabisbisin ditoy rehion uno.
Inlawlawagna a daytoy ket nationwide problem ngem ditoy rehion uno ket maibilang a bassit pay laeng dagiti nairekord a makapaspasar ti panagbisin.
Nupay kasta, kunana a nasken nga agaramidda latta kadagiti wagas a makatulong kadagiti indibidual wenno ubbing a mabisbisin gapu ta saanda a makapangpangan iti mamitlo a daras iti uneg ti maysa nga aldaw.
