LAOAG CITY – Nagbalin a nairot ti trapiko kadagiti kalsada nga agturong iti Roman Catholic Cemetery iti Brgy. 1 ditoy siudad ti Laoag bayat ti pannakaobserbar ti All Saint’s Day ken panagbisita kadagiti minatay idi kalman.
Inpakaammo ni PSgt. Jenifer Domingo, maysa kadagiti nagbantay iti nasao a kamposanto a rinibo a tattao dagit bimmisitaiti kamposanto.
Kuna na a malaksid a nairot ti nagbalin a trapiko ket adda dagiti sumagmamano nga inidibidual a naggandat nga agiserrek iti natatadem a banag ken arak.
Maipalagip a kabayatan ti pannakaobserbar ti Undas ket naiget a maipawil ti panagitugot kadagiti natatadem a banag, arak ken dadduma pay a napipigsa nga speaker.
Kabayatanna, nagbalin a natalinaay ti sitwasyon iti Calayab cemetery ken Mangato Cemetery ditoy met laeng siudad.
