LAOAG CITY – Nakanselar pay laeng ti papan panagbisita dagiti umili kadagiti kamposanto iti ili ti San Nicolas a nangrugi koma ita nga aldaw, oktubre 14.
Daytoy ti inpakaammo ni Police Major Joseph Baltazar, ti chief of police iti ili ti San Nicolas.
Inlawlawag ni Baltazar a ti kangrunaan a rason no apay a nakanselar ti panagbisita kadagiti kamposanto ket gapu ta ado pay laeng dagiti saan a nadalusan.
Inbatad na nga maituloy ti panagbisita kadagiti kamposanto iti nasao nga ili intono Oktubre 18 ita a tawen.
Innayon na a malimitaran ti bilang dagiti agturong kadagiti kamposanto ken masapol a mapan da laeng iti schedule da a bumisita.
Inpasingked na a nakasagana ti PNP-San Nicolas iti panagturong dagiti umili kadagiti kamposanto iti nadakamat nga ili.
