LAOAG CITY – Nagbalin a positibo ti sungbat dagiti delegason ti Shandong, china babaen ti maysa kadagiti kadua da a ni Ms. Wu Chuiyun a mangiburay kadagiti kasapulan a teknolohiya ti probinsia ti Ilocos Norte .
Indasar ni Mrs. Norma Lagmay, provincial agriculturist dagiti kasapulan nga assistance ti gobierno probinsial kadagiti opisial ti Shandong, China kabayatan ti naiyuswat a dialogue ken discussion para ti pannakapatibker ti kooperasion dagiti dua a probinsia iti sector ti agrikultura.
Sumagmamano kadagitoy ket ti panagkur-kurang ti modern a facilities para ti panagaramid ti umdas a supply ti vermi compost wenno ti panagramid ti organiko nga abono.
Malaksid iti dayta, kalikaguman pay ni Lagmay nga iburay ti gobierno ti Shandong ti teknolohiya para ti panagaramidda ti organic pesticides tapno mabalanse ti eco system ken maipatalged ti salun-at dagiti consumers ti agricultural crops a mailako iti publiko ken ti teknolohiya para ti artificial insemination kadagiti native a baboy.
Nopay kasta , kasapulan a maipasigurado a dagiti kasapulan a materyales ken dadduma pay a kasapulan ket nasken nga umun-una a maisuro ti pannakapartuatna tapno adda ti usaren ti probinsia para ti panagprosesoda nangruna ti organic pesticides.
