LAOAG CITY – Mabutbutengka kadi iti nasipnget? Ti awag daytoy ket nyctophobia.
Masansan a kadagiti ubbing a mabuteng iti nasipnget ken rabii ngem pakairamanan dagiti nataengan ket makapaspasar met iti daytoy.
Iti kinapudnona, mabalin pay nga agtennag iti intense anxiety a makaapektar iti inaldaw-aldaw a panagbiag.
Naammoan a dagiti sumagmamano a sintomas ti nyctophobia ket mabuteng iti nasipnget, saan a makaturog, masapol nga adda ti silaw no matmaturog, agnerbios no adda iti nasipnget a lugar kas ti pagsinean ken kabambantayan, agkaleng-etan, agtegerger, maulaw ken napaspas ti pitik ti puso no adda iti nasipnget.
Kabayatanna, posible a naggapu ti panagbuteng idi ubing, kasano a pinadakkel wenno natawid daytoy kadagiti nagannak.
