LAOAG CITY – Kalikagum ti Bise Mayor ditoy siudad ti Laoag a mapagbalin a libre ti panagbuya iti sine dagiti senior citizen a residente ditoy siudad.
Segun kenkuana, apaman a naan-anay daytoy a maaprobaran iti Sangguniang Panlungsod, ti maikeddeng nga aldaw a panagbuya dagitoy ket ti aldaw ti Martes ken Huebes.
Inbatadna a daytoy a gannuat ket kagiddan ti manamnama a panaglukat ti maysa a dakkel a mall ditoy siudad ti Laoag inton bulan ti Mayo ita a tawen.
Inlawlawagna a manarimaan ti pannakisarsaritana iti management iti nasao a mall.
Mainaig iti daytoy, inpakaammo ti opisial a mangputarda ti ordinansa maipanggep daytoy a banag a patienna a suportaran ti konseho.
Immuna iti daytoy, kunana a nakisarita ti dakkel a mall iti ili ti San Nicolas no sadinno a naduktalanna nga adda ti maidiaya a libre a panagbuya iti sine dagiti senior citizen iti kada aldaw ti Lunes.
