LAOAG CITY – Naikeddeng a mangrugi inton Hunio 1, 2027 ti panagdengngeg iti kaso ti napadisi a Venezuelan President Nicolás Maduro ken asawa daytoy a ni Cilia Flores.
Inbatad ni New York Judge Alvin Hellerstein a maaddaan ti pre-trial hearing iti kaso inton Nobiembre 17 tapno denggen ti motions manipud iti agsinnungbangir a partido.
Inpetteng ti abugado ni Maduro a ni Barry Pollack a kontraenda ti panagdengngeg gapu ta ti klientena ket protektado ti sovereign immunity no sadinno nga addaan ti legal principle a mangprotprotehir iti head of states.
Maipalagip a naarestar ni Maduro ken Flores iti compound-da iti Caracas dagiti United States Forces idi Enero 3 ken inkabil dagitoy idiay New York tapno sangoen ti kaso a weapon ken drug offences.
