LAOAG CITY – Inbatad ti maysa a general physician a ni Dra. Ma. Via Juille Roderos-Galban a mabalin latta ti agdigus a dagus no agling-et wenno namagaan ti ling-et.
Sungbat daytoy ni Galban iti saludsud no pudno a dakes ti agdigus a dagus no agling-et.
Inlawlawag na a napintas ti agdigus a dagus tapno maalay-ayan ti nakaro a kinabara ti bagi.
Innayon na a no maipapan iti pannakamaga ti ling-et iti bagi ket napigket rason a kasayaatan nga agdigus tapno lumag-an ti rikna.
Nupay kasta, inbalakad na a masapol a liklikan a mamagaan ti ling-et gapu ta mabalin a mangitunda ti irritant dermatitis wenno panagbudbudo ti bagi, wenno agresulta ti skin problem kas ti panaglabbaga ti kudil.
Mainaig iti daytoy, kuna ni Galban a no agling-et ti maysa a tao ket ipadpadas na nga iregulate ti temperatura ti bagina.
