LAOAG CITY – Saan a naapektaran kadagiti isyu ti pulitika kadagiti ar-aramiden ti pagilian tapno dumur-as ti ekonomia.
Segun ken ni Department of Finance (DOF) Undersecretary Domini Velasquez, nupay agtultuloy a pumigpigsa ti aweng iti political arena ket saan met a kimmapoy ti ‘investor confidence.’
Inbatadna a maar-aramid dagiti investors nga isina ti ekonomia manipud iti political issues.
Inlawlawagna nga iti agdama, iggem ti Pilipinas ti “A-” rating manipud iti Japan Credit Rating Agency (JCR), “BBB” manipud iti Fitch Ratings, “Baa2” manipud iti Moody’s Ratings ken “BBB+” manipud iti Standard & Poor’s (S&P) Global Ratings.
Kuna ni Velasquez, ti panagdur-as iti walo a milyon a Pilipino manipud iti kinarigat ti panagbiag inton 2028 ket doble.
Innayonna ti potensial ti pagilian nga agbalin nga “upper middle-income country” kas ti Indonesia inton sumaruno a tawen.
Naammoan a dimmur-as ti Gross Domestic Product (GDP) ti Pilipinas ti 6.3% iti second quarter manipud iti 5.8%.
Kabayatanna, inpasingked ni Velasquez nga “on track” ti administrasion Marcos nga ibaba ti poverty rate iti single digit inton 2028.
